个人图片
个人资料
鍾晴喺路德會聖十架學校、保良局姚連生中學同埋香港專業教育學院讀過書佢喺2008年（16歲）參加過《yes!!》搞嘅校花選舉，不過未入圍，到2013年就簽約 M Square Agency Ltd. 做模特兒，係名模 Cara G. 師妹，個樣畀傳媒話似吳千語同薛凱琪。2015年夏季，佢參與無綫電視綜藝節目《超強選擇1分鐘》，做裡面其中一位「超強女助選團」成員，因樣靚又笑得甜，開始畀觀眾留意。 2016年，鍾晴報名參選 ViuTV 選美節目《美選D.n.A》，最後入唔到圍，但係就有機會主持旅遊節目《小城光影》。2017年4月，佢決定過檔無綫電視，即刻成為細路節目《Think Big天地》主持之一；2018年3月中再由無綫電視基本藝人合約轉做經理人合約。同年7月，佢擔任清談節目《兄弟幫》嘉賓嗰陣話自己好驚狗，但因為講錯嘢而引起公憤，事後都為呢件事道歉。